Šattut

Várnjárggas lea šaddodat rievdan daid dálkkádatmolsašumiid mielde mat guovllus historjjá čađa leat leamaš.

Álgobajis maŋŋil maŋimuš jiekŋaáiggi lei Várjjaga šaddodat dakkár mii gierddai buollaša, nugo vuovdesieđggat, suoinnit ja dakŋasat. Dađis šaddagođii soahki Várjjatvuona gáddái ja bivvalamos dálkkádatbajis (sullii 10000 – 5000 o.Kr.r.) šattai vel beahcige dáppe.

Dál lea Ceavccageađggis šaddodat dakkár ahte dan gohčodivččii várrešaddočoakkáldahkan, mas leat nugo dakŋasat, suoinnit, lukterásit, vuovdesieđggat, skierrit ja lagežat.

Davvilat, nuortalat ja máddelat šaddošlájat deaivvadit Várnjárggas, ja dát dagaha dan girjás šaddočoakkáldaga hárvenaš šlájaiguin mat leat earret eará Papaver dahlianum (Varangervalmue) ja Crepis multicaulis (Altaihaukeskjegg).

NorskEnglish 
Tilbake Tips en venn!
 

Content on this page requires a newer version of Adobe Flash Player.

Get Adobe Flash player