Stállouksa

Murggehis, mii dološ áiggi gohčoduvvui sápmelaččaid gaskkas Muorjeipmila bassi várrin, lea Stállouksa. Dáppe orui Stállu, issoras sivdnádus man birra eat dieđe šat dál nu olu. Stállu sáhtii leat olmmošborri beahtu, ja olbmot sáhtte nuppástuhttot stállun. Sáhtii lágidit Stálu su lusa geasa lei suhttan, mávssahan dihtii. Stállu sáhtii oaidnemeahttumin jođašit olbmuid gaskkas, ja son čohkkii silbabiergasiid. Jus galggai fidnet dáid silbbaid, de fertii goddit Stálu ja su beatnaga. Stálu oidne dávjá oktan su beatnagiin, ja jus gulai njurggodeami dahje njurgasa meahcis, de soittii Stállu bossumin njugganasas.

Dáppe Várjjagis sáhttit váris oaidnit Stálu luottaid dan rájes go dat bođii vári badjel Várjjatvuona máttabealde. Sus lei hoahppu go čuoigalii sabehiiddisguin. Várrevieltti vulos fertii goahcat soppiin, dasgo lei nu ceakkus. Danne sáhttá dálge nuppebeal vuona oaidnit golbma sárgá dan váris gos Stállouksa lea. Sus soittii leat soames maŋis, go son báhtarii vári sisa vuona davábealde. Uvssa sáhttá oaidnit áibbas čielgasit váris; ja dat lea ain goavkkil. Stállouvssa duohken lea Stálu bivdošloahtta, gosa son lea čohkken vaikke makkár čiegáid.

NorskEnglish 
Tilbake Tips en venn!