Buorresárkku gufihttariid birra máinnas

Dán máidnasa lea muitalan Henrik Henriksen, Buorresárkka márkanis, jagis 1893:

Min dálu bajábealde lea muhtin jeaggeravddas uhca dieváš mii gohčoduvvo Gufihtarčohkkan, ja boares olbmot dadje ahte doppe leat ovdal orrun gufihttarat. Oktii bođii okta nieida dan dievvái murjet. De bođii boares áddjá olggos ja siđai su boahtit sisa. Nieida ii áigun mielde, muhto áddjá su bivdalii dassáigo vuollánii, ja soai manaiga sisa. Doppe sii guossohedje niidii loahppemielkki, muhto son ii borran. Sii guossohadde sutnje, muhto son biehttalii, dasgo son lei gullan boares olbmuin ahte jus maidege borai gufihttariid luhtte, de ii šat beasa ruoktot. De sii sihte nieidda nohkkat, ja dan boares ádjás lei čáppa bárdni gean báldii su dáhtto. Muhto nieida biehttalii. De sii geahččaledje fámuin nieidda bidjat nohkkat, muhto nieida ii vuollánan, ja go oinnii ahte sii fámuin áigo su doallat doppe, de son čierrugođii ja rohkadallagođii Ipmilii, ja sii ballájedje ja dolvo su eret dievás.

Suovvejoga buohta lea dál dievvá mii gohčoduvvo Gufihtarčohkkan, mii soaitá leat dat čohkka main birra Henrik muitalii.

NorskEnglish 
Tilbake Tips en venn!