Guovžageađggi birra máinnas

Čiestti alážis riikkageainnu mearabealde, nuortabealde kulturmuitoguovllu, lea stuorra bákti mii olbmuid gaskkas gohčoduvvo Guovžageađgin. Geađgi lea vitnjut nuppi geađggi badjel, ja sulastahttá guovžža mii várdá vuona.

Máinnas dán Guovžageađggi birra lea ahte Ceavccageađggi olbmot oktii válde alcceseaset guovžžačivgga. Guovža njamai ciikku, lei mánáid stoahkanustit, ja šattai dađis áibbas lodji. Bahás noaidi guhte orui máttabeale vuona, ii liikon dasa ahte guovža orui olbmuid luhtte. Dán áiggi ledje garra áiggit go lei nealgeheahti, ja bálvvosbáiki adnojuvvui dávjá. Oktii go olbmot ledje čoagganan bálvvosrieggá birra, ja guovža lei sin mielde, de bođii gáranas girddi nuppi bealde vuona. Dat seaivvui daid gaskii guđet ledje oaffaruššamin dakko lahka guovžža. Seammás go gáranas seaivvui, de dat šattai noaidin. Gáranas jorggihii guovžža guvlui ja dajai ahte go dat lei liikon olbmuide, de galggai šaddat geađgin. Ja nu šattai. Guovžageađgi lea das dálge várdámin Várjjatvuona.

NorskEnglish 
Tilbake Tips en venn!