Oaffaruššan

Sámi ovdakristtalaš oskkus sáhtte olbmot bálvvosdaguid ja eará gudneárvosaš láhttemiid njuolggadusaid bokte nannet dan vuoiŋŋalaš searvevuođa mii lea gaskal olbmuid ja luonddufámuid. Sámi siiddiin ja bálvvosbáikkiin leat áinnas erenoamáš luondduhámit, muhto sáhttet leat geađge- ja muorrahámitge maid olbmot leat ceggen, nugo Ceavccageađgi.

Árgabeaivválaš oaffarat siiddiide sáhtte leat guollevuodja dahje guollečoalit, bivdosállašat nugo biergu ja varra, dahje uhca metálladávvirat ja minttat. Oaffar lei heivehuvvon dasa man ovddas bálvalii ja gean.

Boazu lei dábálamos oaffar dihto diliin. Noaidi (olmmoš guđes lei erenoamáš buorre oktavuohta ipmiliiguin ja vuoiŋŋaiguin, ja guhte dávjá čilgejuvvo leat sápmelaččaid šamánan) sáhtii beassat diehtit justa guđe ealliid ipmilat ja vuoiŋŋat gáibidedje oaffarin.

NorskEnglish 
Tilbake Tips en venn!
 

Content on this page requires a newer version of Adobe Flash Player.

Get Adobe Flash player